GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Təbriz şəhərində yerləşən Təbriz Maşinsazi Zavodunun işçiləri tətil və etiraza başlayib. Etiraz və tətilə səbəb azərbaycanlı işçilərin 6 aydır əmək haqqı ala bilməməsidir.
Əldə edilən məlumata görə, rejim tərəfindən Təbriz Maşinsazi Zavodunun istehsal həcmi 70 faiz azaldılıb. Artıq zavod bağlanmaq ərəfəsindədir.
Qeyd edək ki, işğalçı fars rejim Güney Azərbaycana qarşı müstəmləkə siyasəti yürütdüyü üçün Azərbaycanda yerləşən zavodlar diqqətdən kənarda qalıb. Üstəlik rejimin qeyri-konstruktiv siyasətinə görə tətbiq edilən sanksiyalar Azərbaycanın zavodlarını çıxılmaz vəziyyətə salıb.
