GADTB Güney Azərbaycan Demokratik Türk Birliyi
GADTB: Təbrizin Dəmir Yolu Stansiyası yaxınlığında yerləşən ərazilərdə yeraltı su qaynaqlarının neft tullantıları ilə çirkləndirilməsi davam edir. Bu barədə Şərqi Azərbaycan əyaləti məhkəməsinin Şərqi Azərbaycan məhkəmə sisteminin Sosial məsələlər və cinayətkarlığın qarşısının alınması üzrə bölməsinin başçısı Əhməd Müvəqqiri açıqlama verib.
O, bundan bir neçə il əvvəldən başlayan ekoloji problemin 2020-ci ildən bu yana daha da şiddətləndiyini qeyd edib:
“Bu bölgədə yaşayan insanların içməli suyu, əkin sahələri üçün suvarma suyu bu su qaynaqlarından təmin olunur. Sular çirkləndirildiyi üçün əhalinin sağlamlığı təhlükə altına düşüb”.
Bununla yanaşı, Təbriz Dəmiryol Stansiyasından ətrafa axıdılan neft və başqa zəhərli tullantılar yeraltı və yerüstü su qaynaqlarına qarışdığına, bunun qarşısının alınmadığına görə yerli əhali və ətraf mühit fəalları dəfələrlə etiraz aksiyaları keçiriblər.
