GADTB-nin Mətbuat Mərkəzinə daxil olan məlumata görə, Güney Azərbaycanın tanınmış simalarından biri, şair Həsən Riyazi -İldırım avqustun 19-da vəfat edib.
1958-ci ildə Sarabın Camalabad kəndində doğulan Həsən Riyazi ilk və orta təhsilini Heris, Mehriban və Təbrizdə alıb. Sonra təhsilini Tehran Tibb Universitetində davam etdirib.
1975-ci ildə ədəbi fəaliyyətə başlayan Həsən Riyazi -İldırım Tehranda türk dilində keçirilən bir neçə ədəbi dərnəyin qurucusu olub.
Çoxsaylı şeir və ədəbi-ictimai məqalələrin müəllifi olan Həsən Riyazi -İldırım dünya ədəbiyyatının seçilmış nümunələrini də dilimizə tərcümə edib.
İldırım həmçinin 2003-cü ildən türk və fars dillərində buraxılan “Azəri” ədəbi dərgisinin baş redaktoru olub.