GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, terrorçu Sepah-ın Tehranın qərbində – Gərmdərə və Qüds məntəqələrində yerləşən raket anbarlarında partlayışlar baş verib. İrqçi fars rejim çaş-baş qalaraq, zidiyyətlər məlumatlar yayıb.
Sosial şəbəkələrdə yayılan məlumatlara görə, olaydan sonra Tehranın bir çox məntəqələrində işıqlar sönüb. Qüds və Şəhriyar məntəqələrinin yarımstansiyalarının partladığı iddia olunur.
Bundan başqa, İranın Hərbi Hava Qüvvələrinin təyyarə və PUA-ya qarşı “yer-hava” tipli iki raket atdığı vurğulanıb.
“Nyu York Tayms” partlayış baş verdiyi ərazidə bir neçə hərbi və təlim obyektinin olduğu haqqında məlumat yayıb:
“Orada iki yeraltı obyekt mövcuddur. Bunlardan biri kimyəvi silah tədqiqatları ilə bağlıdır, ikincisi isə hələlik müəyyən edilməmiş hərbi sənaye obyektidir”.
Qeyd edək ki, bu hadisə İranda son zamanlar baş verən sirli partlayışlar silsiləsindən biridir. Belə ki, iyulun 2-də “Nətənz” nüvə stansiyasının bir binası partlamışdı. Daha sonra terrorçu sepahın-ın Parçin hərbi bazasında partlayış olmuşdu.
İsrailin İrandakı hadisələrin arxasında dayandığı güman edilir.
