GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu məsləyə toxunan Donald Trampın müşaviri Kellienn Konuey deyib ki, rəsmi Vaşinqton və Tehran arasında münasibətlərin növbəti gərginliyinə baxmayaraq, ABŞ Prezidenti Donald Tramp BMT Baş Assambleyasının iclasının gedişatında iranlı həmkarı Həsən Ruhani ilə görüşü hələ istisna etmir.
Konueyin sözlərinə görə, Tramp görüş imkanına baxmağa hazırdır. “Amma prezidentin saziş bağlaması və ya görüşdə iştirak etməsi üçün həmişə vacib şərtlərin olması zəruridir”, – deyə Konuey əlavə edib.
“O, həmçinin, bilir ki, əgər maksimal təzyiq kampaniyası, İranın nüvə sazişindən çıxması, bir neçə gün əvvəl maliyyə naziri və dövlət katibi tərəfindən Ağ Evdən yeni sanksiyaların elan edilməsi də daxil olmaqla, bu münasibətlərə aid olan bütün başqa atribut yoxdursa, insanlarla görüşmək lazım deyil”, – Konuey əlavə edib.
