Bazar , Noyabr 22 2026
azfa

Tramp: Seçkilərdən sonra İrana hava hücumlarını yenidən başlada bilərik

GADTB: ABŞ prezidenti Donald Tramp oktyabrın 1-də yayımlanan Time jurnalına müsahibəsində ABŞ-da keçiriləcək aralıq seçkilərdən sonra İrana hava hücumlarının yenidən başlanması ehtimalı ilə bağlı bunun “mümkün” olduğunu bildirib.

ABŞ prezidenti bu məsələni nəzərdən keçirib-keçirmədiyi barədə suala cavabında deyib: “Bunu sizə deyə bilmərəm, çünki məndən haranı bombalayacağımızı soruşursunuz…”

O, həmçinin İran İslam Respublikasının razılaşma istədiyini, lakin özünün həqiqi bir razılaşma əldə etmək niyyətində olduğunu vurğulayıb.

ABŞ prezidenti müsahibəsində deyib: “İranın nüvə obyektlərini bombaladıqdan sonra dayana bilərdim, amma bunun doğru olmadığını düşündüm. Çünki onlar işlərini davam etdirməyə çox həvəsli idilər. Əgər orada olmasa, başqa yerdə.”

Tramp əlavə edib: “Buna görə də daha irəli getdim. Çünki onların fərqli şəkildə geri qayıtmasını istəmirdim.”

ABŞ prezidenti daha əvvəl İranı məhv edə biləcəyi barədə söylədiyi fikirlə bağlı suala cavabında deyib: “Bəli, bunu edərdim. Mümkündür.”

Tramp bu fikirləri ilə özünü “sülh prezidenti” adlandırması arasındakı ziddiyyət barədə suala cavabında bildirib: “Çünki İranı məhv etməklə dünyada sülh yaratmışıq. Düşünmürəm ki, İran mövcud olduğu müddətdə heç vaxt sülh əldə etmək mümkün olsun.”

ABŞ prezidenti İran İslam Respublikasının atəşkəs təklifini niyə rədd etdiyinə dair sualı cavablandırarkən isə deyib: “Bu təklif kifayət qədər yaxşı deyil və buna heç yaxın da deyil.”

Həmçinin yoxlayın

Zənganda mərhum ustad Müslüm Əsgərinin xatirəsinə “Aşıqlar axşamı” mərasimi keçirilib

GADTB: 30 aban 1405-ci il, şənbə günü Zəngan şəhərindəki Mədəniyyət Mərkəzinin Yadegar salonunda “Aşıqlar axşamı” …

Müharibədən sonra Urmiya gölünün suyunun həcmi artıb

GADTB: Qərbi Azərbaycan əyalətinin valisi Rza Rəhmani bildirib ki, Urmiya gölündəki suyun həcmi ötən illə …