“Traxtur” yeni qələbə ilə turnir cədvəlində birinci yerə yüksəlib

GADTB-nin Mətbuat Mərkəzinə daxil olan məlumata görə, dünən Güney Azərbaycanın “Traxtur” klubu qələbə ilə turnir cədvəlində birinci yerə yüksəlib.

İran Premyer Liqasının səkkizinci həftəsinin təxirə salınan oyunları çərçivəsində Güney Azərbaycanın “Traxtur” klubu ilə Kirman əyalətinin Sircan şəhərinin “Qolqohər” klubu qarşılaşıb.

Oyun dekabrın 9-u axşam saatlarında Sircan şəhərinin “Şəhid Süleyman” stadionunda baş tutub.

Oyunun 43-cü dəqiqəsində “Traxtur”un hücumçularından birinin cərimə edilərək meydandan çıxarımasına baxmayaraq, Təbriz təmsilçisi qarşılaşmanı 2-0 hesablı qələbə ilə başa vurub.

Bununlada “Traxtur” 25 xalla Premyer Liqa turnir cədvəlinin zirvəsinə yüksəlib.