GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Şanxay Əməkdaşlıq Təşkilatına sədrlik rotasiya qaydasında Çindən Qırğızıstana keçib.
Qırğızıstan iyunun 9-10-da ŞƏT-in Çindao şəhərində keçirilən 18-ci zirvə görüşündən sonra təşkilata bir il müddətinə sədrlik edəcək. ŞƏT-in növbəti zirvə görüşü də 2019-cu ildə Qırğızıstanda keçiriləcək.
Qeyd edək ki, 2001-ci ildə yaradılan təşkilata hazırda 8 dövlət – Rusiya, Çin, Qazaxıstan, Qırğızıstan, Tacıkistan, Özbəkistan, Pakistan və Hindistan üzvdür.
Azərbaycan təşkilatda dialoq üzrə tərəfdaş statusu ilə təmsil olunur.
