Türk yurdu Başqırdıstanda yanğın nəticəsində 200-dən çox heyvan tələf oldu

GADTB-nin Mətbuat Mərkəzinə daxil olan məlumata görə, Rusiyanın tərkibində olan Başqırdıstan Respublikasında bir fermada çıxan yanğında 200-dən çox heyvan tələf olub.

Bu barədə RİA Novosti Rusiya Fövqəladə Hallar Nazirliyinin mətbuat xidmətinə istinadən məlumat yayıb.

Hadisə Çekmaquşevski rayonunun Novobirdino kəndində baş verib. 900 kvadratmetr sahədə ferma alışıb.

“Yanğın nəticəsində 10 baş iribuynuzlu mal-qara və 11 baş iribuynuzlu heyvan, bir at və 200-dən çox broyler həlak olub”, – deyə mətbuat xidməti əlavə edib.

Fermadakı yanğının söndürülməsini güclü külək çətinləşdirib.

Qeyd edək ki, Başqırdıstan Rusiyanın tərkibində olan muxtar türk cümhuriyyətidir.