Cümə axşamı , Sentyabr 23 2021
azfa

Türkiyə və ABŞ-ın üçmərhələli Menbiç planı müəyyənləşdi

GADTB-nin Mətbuat Mərkəzinin Axar.az-a istinadən yaydığı məlumata görə, Türkiyə və ABŞ-ın Menbiç planının detalları məlum olub. Bu barədə Anadolu Agentliyi Türkiyə kəşfiyyatına yaxın və ikitərəfli görüşlərdə iştirak etmiş mənbələrə istinadən informasiya yayıb.

Plana əsasən, Fərat çayının qərb sahilində məskunlaşan terrorçular saziş əldə olunduqdan sonrakı bir ay ərzində bölgədən çıxarılacaq. Artıq YPG terror qruplaşmasının liderləri mahalı tərk etməyə başlayıblar. Onlar Menbiçi tərk edərək Fəratın şərqindəki Eyn ül-Ərəb bölgəsinə gediblər. Ancaq qruplaşmanın vahid halda geri çəkilməsinə hazırlıqlar hələlik başlamayıb.

Menbiç planın ikinci mərhələsində Çavuşoğlu-Pompeo görüşündən 45 gün sonra türk və amerikalı əsgərlərin, kəşfiyyat orqanlarının mahalda nəzarətə başlaması nəzərdə tutulur. Nəzarət mexanizminin təfərrüatı ərazidəki ehtiyaclara görə yenidən formalaşdırılacaq.

Planın üçüncü mərhələsində isə Menbiç bölgəsində yerli ünsürlərin iştirakı ilə 60 gün ərzində idarəetmə orqanının yaradılması nəzərdu tutulur. Bölgənin təhlükəsizliyini təmin edəcək hərbi məclis və şəhər xidmətlərini yerinə yetirəcək yerli məclis əhalinin etnik bölgüsünə əsasən qurulacaq.

Razılaşmanın yekun forması iyunun 4-də Vaşinqtonda keçiriləcək Pompeo-Çavuşoğlu görüşündə məlum olacaq.

 

Həmçinin yoxlayın

Şeyxülsilam Paşazadənin Ərdəbilin imam cüməsi Amuliyə cavabı

GADTB-nin Mətbuat Mərkəzinə daxil olan məlumata görə, Qafqaz Müsəlmanları İdarəsinin  sədri Şeyxülislam Allahşükür Paşazadə Ayətullah …

Çinin koronavirusu süni şəkildə yaradıb yayması faş oldu

GADTB-nin Mətbuat Mərkəzinə daxil olan məlumata görə, “The Telegraph” dərgisi Çinin Uhan şəhərindən olan elm …

Bir cavab yazın