GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyə Müdafiə Sənayesi Nazirliyi ilə həyata keçirilən AKINCI layihəsi çərçivəsində milli və orijinal olaraq “Baykar” tərəfindən hazırlanmış Bayraktar AKINCI (H/PUA) sursat inteqrasiyası prosesində daha bir mühüm mərhələni uğurla başa vurub.
İyunun 14-də Çorludan havaya qalxan Bayraktar AKINCI, “TÜBİTAK SAGE” tərəfindən hazırlanmış “KGK-SİHA-82” (Qanadlı Sükan Dəsti – S/PUA – 82) sursatı ilə dəniz sahillərində müəyyən edilən koordinat üçün həyata keçirilən ilk atış sınağını Sinop üzərində müvəffəqiyyətlə tamamlayıb.
AKINCI üzərində elektro-optik kamera və yerdə telemetriya antenaları, 340 kq ağırlığındakı, 30 km uzaqlıqda olan hədəfi yüksək dəqiqliklə vurub.
Bu yaxınlarda Roketsan tərəfindən hazırlanmış “Teber-82” ilə dəniz səthində hədəfə uğurlu atış sınağı həyata keçirən Bayraktar AKINCI milli aviasiya tariximizin hündürlük rekorduna da sahibdir. Belə ki, test uçuşlarına davam edən “Bayraktar AKINCI B TİHA”, 11 Mart 2022-ci il tarixindəki sınaq uçuşunda 40.170 fut yüksəkliyə qalxaraq aviasiya tariximizin yüksəklik rekordunu qırıb.
29 avqust 2021-ci ildə Türkiyə prezidenti Rəcəb Tayyib Ərdoğanın qatıldığı mərasimlə inventarlaşdırılan “Bayraktar AKINCI TİHA”lar hazırda təhlükəsizlik qüvvələrimiz tərəfindən əməliyyat vəzifələrində fəal şəkildə istifadə olunur. İndiyə qədər 6 “Bayraktar AKINCI TİHA” təhlükəsizlik qüvvələrinin inventarına girib.
Həmçinin “Bayraktar AKINCI TİHA” üçün 3 ölkə ilə ixrac müqaviləsi imzalanıb. Müqavilələr çərçivəsində “Bayraktar AKINCI TİHA” və yer sistemlərinin 2023-cü ildən etibarən dövri olaraq təhvil verilməsi gözlənilir.
İlk milli PUA ixracını 2012-ci ildə reallaşdıran “Baykar”, 2021-ci ildə 664 milyon dollarlıq S/PUA sisteminin ixracını tamamlayıb, gəlirlərinin 80%-dən çoxunu ixracatdan əldə edib. Milli “TİHA Bayraktar AKINCI” ilə maraqlanan bir çox ölkə ilə danışıqlar davam edir.
