Cümə axşamı , Oktyabr 21 2021
azfa

Urmiya gölü ətrafından əkinçilər kütləvi köçə məcbur olur

GADTB-nin Mətbuat Mərkəzinin əldə etdiyi məlumata görə, Urmiya gölü ətrafından əkinçilər kütləvi köçə məcbur olacaq. Göl ətrafında yerləşən kəndlər artıq əhalidən boşalır.

Bu barədə Təbrizin rejimin məclisindəki millət vəkili Əhməd Əlirzabeygi açıqlama verib.

Əlirzabeygi deyib: “Təəssüflər olsun ki, Urmiya Gölünü Bərpa Mərkəzinin gördüyü işlər göldə heç bir müsbət dəyişikliyə səbəb olmayıb, hətta yerli əhalinin məişət və taleyini nəzərə almadan fəaliyyət göstərdiyi üçün bir sıra problemlər yaradıb”.

O deyib ki, Urmiya gölündə suyun səviyyəsinin bir neçə santimetr qalxması yağıntılarla bağlıdır və Bərpa Mərkəzinin fəaliyyəti ilə heç bir əlaqəsi yoxdur. Hər il payız və qış aylarında yağıntılarla əlaqədar göldə suyun səviyyəsi bir neçə santimetr qalxır. Lakin bu müvəqqətidir və yay aylarında yenidən buxarlanır.

Əlirzabeygi Urmiya gölü ətrafında əkinçiliklə bağlı yaranan maneələrə toxunaraq edib: “Bölgə əhalisinin fəaliyyətinə məhdudiyyət tətbiq olunarsa, onların məişət problemləri artacaq və nəticədə gündəlik işlərə üz tutub və ya şəhərlərə köçməli olacaqlar. Onların əksəriyyəti qonşu əyalətlərin şəhərlərində qeyri-rəsmi yaşayış məntəqələri və şəhər həndəvərində yaşamağa məcbur qalır.”

Əlirzabeygi yeni il üçün Urmiya gölünün bərpası üçün büdcə vəsaiti nəzərdə tutulmadığını bildirdi. Ayrılan büdcə vəsaiti bütün su hövzələri və gölməçələrə aiddir. Bu o deməkdir ki, gölün ayrıca büdcəsi yoxdur.

Qeyd edək ki, işğalçı fars rejim Azərbaycanla düşmənçilik zəminində Urmiya gölünü qəsdən qurudub. Bundan məqsəd isə Azərbaycanı xarabaya çevirməkdir.

 

 

Həmçinin yoxlayın

Ərdoğan Azərbaycanla düşmənçilik edən İrana Güney Azərbaycanı xatırlatdı: “Onların sayı göz önündədir”

GADTB-nin Mətbuat Mərkəzinə daxil olan məlumata görə, “İran İsraillə münasibətlərinə görə Azərbaycanı “hədəf taxtası”na qoya …

İran rejimi türkcə “Bənsu” adına görə azərbaycanlı körpəyə şəxsiyyət vəsiqəsi vermir

GADTB-nin Mətbuat Mərkəzinə daxil olan məlumata görə, İran rejimi Güney Azərbaycanda azərbaycanlı körpəyə türkcə “Bənsu” …

Bir cavab yazın