GADTB-nin Mətbuat Mərkəzinə daxil olan məlumata görə, Urmiya Universitetinin mədəniyyət və öyrənci işləri üzrə rəis müavini Kərim Cabbari Urmiya gölünün qorunmasına dəstək məqsədilə yeni öyrənci dərnəyinin fəaliyyətə başladığını açıqlayıb.
Onun sözlərinə görə, sözügedən dərnək elmi, mədəni, ictimai, eləcə də çevrə problemlərini araşdırmaq üçün yaradılıb.
Bildirilib ki, yaradılan “Urmiya Gölü Sevənlər Öyrənci Dərnəyi” bu sahəyə ilgi göstərən öyrənciləri bir araya toplayır. Eyni zamanda dərnək gənclərin yaşam çevrəsinin qorunmasında iştirakını təmin edir.
Həmçinin layihə çərçivəsində bilgiləndirici tədbirlərin keçirilməsi də nəzərdə tutulub.