GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Urmiya şəhərində Azərbaycanın tarixi karvansarayı irqçi fars rejiminin ayrıseçkilik siyasəti nəticəsində uçub-dağılmaqdadır.
Qacar dövrünə aid olan bu tarixi karvansaray Urmiyada neft şirkətinin anbarının arxasında Urmiyanın 7 darvazasından biri olan Balov darvazasından 1oo m məsafədə yerləşir. Tarixi və turist cazibəsinə malik olan karvansaray bərpa edilib əhalinin və turistlərin istifadəsinə verilməlidir.
Qeyd edək ki, tarixi karvansaray 16 mart 2002-ci ildə 5071 nömrəsi ilə qeydiyyata alınıb. Lakin bu tarixi əsərin qeydiyyata alınmasına baxmayaraq bərpa edilib mühafizə edilmir. Bu karvansaray Neft Şirkətinin ərazisi yaxınlığında yerləşdiyi üçün Neft Şirkəti Karvansarayı kimi də məşhurlaşıb.
