GADTB Güney Azərbaycan Demokratik Türk Birliyi
GADTB: Türk rejissoru Vəhid Nami, filmini nə üçün türk dilində çəkdiyi və bunun ölkənin mərkəzində geniş istifadə olunan dildən nə ilə fərqləndiyi barədə jurnalistin sualına sərt və tənqidi cavab verərək ana dilində danışmaq və yaradıcılıq hüququnu müdafiə edib.
O bildirib ki, rejissor yalnız filmini hansı dildə çəkdiyinə görə öz seçimini əsaslandırmağa məcbur olmamalıdır. Nami vurğulayıb ki, kinoda türk dilindən istifadə təbii seçim və mədəni hüquqdur.
Rejissor əlavə edib ki, onun filmi məhz incəsənət və dil sahəsində formalaşdırılmış məcburi “olmalıdır” anlayışlarına qarşı çəkilib.
Vəhid Nami çoxdillilik sahəsində digər ölkələrin təcrübəsinə də toxunaraq bildirib ki, Kosovo kimi kiçik bir ölkənin üç rəsmi dili var və əhalisi hətta Təbrizin əhalisindən də azdır.
O qeyd edib ki, uzun illər dəyişməz qayda kimi təqdim olunan bir çox anlayış bu gün artıq dəyişib və şovinist, köhnəlmiş yanaşmaların kənara qoyulmasının vaxtı çatıb.
