GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkmənistan Prezidenti Qurbanqulu Berdiməhəmmədov və Türkiyə Respublikasının Prezidenti Rəcəb Tayyib Ərdoğan arasında telefon danışığı zamanı Türkmənistan, Azərbaycan və Türkiyə başçılarının qarşıdan gələn Sammitinə hazırlıq məsələlərini müzakirə ediblər.
Bu barədə rəsmi Türkmən mətbuatı məlumat yayıb.
Xəbərə görə, Prezident Rəcəb Tayyib Ərdoğan, Türkiyənin bəzi bölgələrində genişmiqyaslı meşə yanğınları ilə əlaqədar Türkiyədəki mövcud çətin vəziyyətlə əlaqədar olaraq, bu ilin avqust ayında keçirilməsi planlaşdırılan Türkmənistan-Azərbaycan-Türkiyə üçtərəfli Zirvə Görüşünün sonrakı tarixə təxirə salınmasını təklif edib.
Türkiyə Prezidentinin təklifini anlayışla qəbul edən Prezident Qurbanqulu Berdiməhəmmədov faciə ilə əlaqədar dərin hüznlə başsağlığı verib və bu çətin anda Türk xalqı, ölkə Hökuməti və şəxsən öz adımdan qurbanların ailələrinə və yaxınlarına empatiya və dəstək sözləri, həmçinin yaralıların tezliklə sağalmasını diləyib.
