Ərəb Əmirliyi Türkiyədən 120 “Bayraqdar TB2” almaq istəyir

GADTB-nin Mətbuat Mərkəzinə daxil olan məlumata görə, Birləşmiş Ərəb Əmirlikləri (BƏƏ) Türkiyədən “Bayraqdar TB2” PUA-larını almağı planlaşdırır. Bu barədə Türkiyə mediası məlumat yayıb.

BƏƏ rəsmiləri ilə “Baykar” şirkəti arasında mart ayından bəri davam edən danışıqların bəzi detalları bəlli olub.

Məlumata görə, danışıqlar zamanı 120 ədəd “Bayraqdar TB2”-nin tədarükü ilə yanaşı, çoxlu sayda sursat, komanda-idarə mərkəzi və təlim paketləri də sifariş edilib.

120 ədəd “Bayraqdar TB2” və digər hərbi vasitələrin yer aldığı paketin ümumi dəyərinin 2 milyard dollara yaxın olduğu bildirilib.