1 milyon insan müstəqillik şüarları ilə Kataloniyada küçələrə axışdı- video

GADTB-nin Mətbuat Mərkəzinə daxil olan məlumata görə, Barselona şəhərində təxminən 1 milyon katalon milli bayramları olan “La Diada” nı qeyd etmək üçün küçələrə axışıb.

Kataloniya prezidenti Quim Torra bu bayramı bir tarix kimi dəyərləndirib. O, öz çıxışında azadlıq istədiklərini bəyan edib.

Barselona meydanlarına yığışan katalonlar isə müstəqillik şüarları səsləndirərək,  himnlər oxuyublar.

Tədbirin təşkilatçıları mitinqdə iştirak etmək üçün 460 min insanın rəsmi qeydiyyatdan keçdiyini açıqlayıblar.

Lakin hüquq mühafizə orqanları hər il olduğu kimi, bu il də azı 1 milyon insanın mitinqdə iştirak etdiyini bildiriblər.