Pezeşkian: “Təklif etdiyim kabinetin hamısına etimad göstərin”

GADTB: Məsud Pezeşkian bu gün İran parlamentinin plenar iclasında təklif etdiyi Nazirlər Kabineti üçün müdafiə çıxışı etdikdən sonra “X” hesabında millət vəkillərinə səslənərək yazıb:

“Bu gün İranın böhranları aradan qaldırmaq üçün milli konsensusa, milli həmrəyliyə və milli birliyə ehtiyacı var. Milli Birlik hökuməti bu prinsiplər əsasında qurulub. İran parlamentinin hörmətli üzvlərindən xahiş edirəm ki, ölkənin müxtəlif sahələrdəki vəziyyətinə anlayış, həmrəylik və diqqət göstərməklə hökumətin qurulması üçün təklif edilən bütün kabinetə etimad səsi versinlər”.

Qeyd edək ki, Pezeşkian seçki oyununda verdiyi bütün vədlərin əksinə olaraq Ruhani və Rəisinin kabinetindən ibarət ən irqçi və korrupsioner nazirləri kabinetinə toplayıb. Bu da seçki oyununa aldanıb Pezeşkiana səs verənlərin narazılığına səbəb olub.