Molla rejimi var gücü ilə Ermənistanı dəstəkləməyə davam edir

GADTB-nin Mətbuat Mərkəzinə daxil olan məlumata görə, irqçi fars-molla rejimi Zəngəzur dəhlizi bəhanəsi ilə var gücü ilə Ermənistanı dəstəkləməyə davam edir.

İran Xarici İşlər Nazirliyi yanında Siyasi və Beynəlxalq Araşdırmalar Mərkəzinin nümayəndə heyəti sentyabrın 10-11-də İrəvan Beynəlxalq Dialoq Forumuna qatılıb.

İran xarici işlər nazirinin müavini və sözügedən Araşdırmalar Mərkəzinin rəhbəri Məhəmmədhəsən Şeyxülislami Ermənistan xarici işlər naziri Ararat Mirzoyan və bir sıra rəsmilərin iştirakı ilə keçirilən forumun açılışından sonra baş tutan xüsusi paneldə Cənubi Qafqazın İran üçün önəminə toxunub, habelə Azərbaycanla Ermənistan arasında sülh danışıqlarını alqışlayıb və sülh sazişinin ən qısa vaxtda imzalanacağına ümid etdiyini bildirib.

Şeyxülislami həmçinin deyib: “İran bölgədə ticarət və ümumi tranzit yollarının açılmasına inanmaqla yanaşı, region ölkələrinin ərazi bütövlüyü və suverenliyinin qorunmasında israrılıdır, eyni vaxtda beynəlxalq səviyyədə tanınan sərhədlərdə hər hansı dəyişikliyə, bölgənin xarici güclərin münaqişə meydanına çevirlməsinə qarşı çıxır”.