GADTB Güney Azərbaycan Demokratik Türk Birliyi
GADTB: İran Əczaçılar Birliyi sözçüsü və idarə heyətinin üzvü ölkədə dərman qiymətlərinin kəskin artdığını açıqlayıb.
Onun sözlərinə görə, hökumətin maliyyə resurslarının çatışmazlığı səbəbindən bir çox dərmanın qiyməti 30 faizdən 300 faizə qədər yüksəlib.
Bildirilir ki, bu bahalaşma xüsusilə xüsusi xəstəliklərdən və xərçəngdən əziyyət çəkən xəstələrə ağır təsir edir. Məsələn, əvvəllər təxminən 1 milyon tümən olan bəzi xərçəng dərmanlarının qiyməti hazırda 30 milyon tümənə qədər yüksəlib.
Məlumatlarda laborator analiz dəstlərinin çatışmazlığı, insulin qıtlığı, həyati əhəmiyyətli dərmanların qiymətlərinin bir neçə dəfə artması və bəzi xərçəng dərmanlarının idxalının dayanması da qeyd olunur.
Hesabatlarda vurğulanır ki, yaranmış vəziyyət artıq yalnız iqtisadi problem deyil, birbaşa insanların həyatı və sağlamlığı ilə bağlı ciddi böhrana çevrilib.
