Bazar , Noyabr 22 2026
azfa

Tatarıstanın rəisi Rüstəm Minnixanov Azərbaycana səfərə gəlib

GADTB-nin Mətbuat Mərkəzinə daxil olan məlumata görə, Rusiya Federasiyasının işğalında olan türk diyarı Tatarıstan Respublikasının Rəisi Rüstəm Minnixanov dekabrın 17-də Azərbaycana səfərə gəlib.

Əvvəlcə Fəxri xiyabana gələn Rüstəm Minnixanov xalqımızın Ümummilli Lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad edib, məzarı önünə əklil qoyub.

Ulu Öndərin ömür-gün yoldaşı, görkəmli oftalmoloq-alim akademik Zərifə xanım Əliyevanın xatirəsi də ehtiramla anılıb, məzarı üzərinə tər güllər düzülüb.

Sonra Tatarıstan Respublikasının Rəisi Şəhidlər xiyabanına gələrək Azərbaycanın azadlığı və suverenliyi uğrunda mübarizədə canlarından keçmiş qəhrəman Vətən övladlarının xatirəsini ehtiramla anıb, “Əbədi məşəl” abidəsinin önünə əklil qoyub.

Bakının ən hündür nöqtəsindən Azərbaycan paytaxtının mənzərəsini seyr edən qonağa Şəhidlər xiyabanının tarixi və şəhərimizdə görülən abadlıq-quruculuq işləri barədə ətraflı məlumat verilib.

Həmçinin yoxlayın

Molla rejimi “Zəngan Emruz” qəzetində fars dilini dəfələrlə “ipək”, türk dilini isə alçaldan ifadələrlə təqdim edib

GADTB: “Zəngan Emruz” qəzeti 30 aban 1405-ci il, şənbə günü Cəlal Kəzazinin şəklini dərc edərək …

Urmiya şəhərində ustad aşıq Məhəmmədhüseyn Dehqaninin vəfatının ildönümü münasibətilə anım mərasimi keçiriləcək

GADTB: Ustad aşıq Məhəmmədhüseyn Dehqanın vəfatının birinci ildönümü münasibətilə bu görkəmli sənətkarın sənət irsinin və …