Cümə axşamı , Noyabr 19 2026
azfa

İran və Güney Azərbaycanda sürücülərin tətilləri genişlənir

GADTB: Güney Azərbaycan və İranın müxtəlif şəhərlərində yük avtomobili sürücülərinin etiraz tətillərinin davamı olaraq, bu gün Xürrəmdəşt şəhərində də tətil keçirilib.

Məlumata görə, sürücülər iqtisadi problemlərə və basqılara qarşı etirazlarını bildiriblər.

Qeyd olunub ki, ötən həftədən başlayaraq Güney Azərbaycan və İranın 125 şəhərində sürücülər etiraz olaraq aksiya keçirirlər.

Tətil aksiyasına Təbriz, Qəzvin, Zəncan, Ərdəbil, Ocan (Bostanabad) və başqa bir neçə Azərbaycan şəhərinin sürücüləri də qoşulub.

Narazı sürücülər yanacaq kvotasının azaldılmasına, sığorta haqqının yüksək olması və yük daşıma tariflərinin az olmasına etiraz edirlər.

Məlumatlara görə, sürücülərin tətili nəticəsində ölkədə yükdaşıma sahəsi iflic olub, limanların fəaliyyətində də problemlər yaranıb.

Sürücülərin tətil aksiyasını dayandırmaları üçün onlara qarşı təzyiqlər başlayıb, Şiraz şəhərində onlarla sürücü həbs edilib.

Həmçinin yoxlayın

May Sato: Müharibə dey ayı etirazları zamanı baş verənlərin unudulmasına səbəb olmamalıdır

GADTB: BMT-nin İranda insan hüquqları üzrə xüsusi məruzəçisi May Sato Fransa parlamentində çıxışı zamanı bildirib: …

Netanyahu: İslam Respublikasının nüvə təhdidi İsrail sərhədlərində dayanmayacaq

Israel’s Prime Minister Benjamin Netanyahu attends the weekly cabinet meeting in Jerusalem on November 19, …