İran AEBA ilə əlaqələri dayandırsa da, Qrossi AEBA ilə əməkdaşlığı İranın vəzifəsi adırdı

GADTB: Atom Enerjisi üzrə Beynəlxalq Agentliyin (AEBA) baş direktoru Rafael Qrossi ABŞ və İsrailin Tehranıb nüvə obyektlərinə hücumlarından sonra İran parlamentində agentliklə əməkdaşlığının dayandırılması planının təsdiqlənməsinə reaksiya verib.

Qrossi İranın AEBA ilə əməkdaşlıq etməyin vəzifəsi olduğunu vurğulayıb.

Atom Enerjisi üzrə Beynəlxalq Agentliyin rəhbəri Rafael Qrossi deyib: “İyunun 13-də başlayan hücumlar İranın uranın zənginləşdirilməsi ilə əlaqəli Nətənz, İsfahan və Fordoya ciddi fiziki ziyan vurub.

Düşünürəm ki, “məhv edildi” sözü çox kəskindir, lakin o, böyük ziyana uğradı. Hücum üç nüvə obyektinə əhəmiyyətli fiziki ziyan vurdu”.

Qeyd edək ki, molla rejimi artıq Atom Enerjisi üzrə Beynəlxalq Agentliyin (AEBA) ilə əlaqələri dayandırdığını bildirib.