GADTB Güney Azərbaycan Demokratik Türk Birliyi
GADTB: Dünəndən Tehranda başlayan bazar esnafının etirazları bu gün şəhərin müxtəlif küçə və məhəllələrinə yayılıb. Sosial şəbəkələrdə yayılan video və xeberler göstərir ki, bazar ertəsi, 8 Dey tarixində Tehran bazarının bəzi hissələri və şəhərin mərkəzi rayonları etiraz aksiyalarına səhnə olub, çox sayda mağaza fəaliyyətini dayandırıb. Bir sıra ərazilərdə etirazların davam etdiyi bildirilir.
Məlumata əsasən, etirazlar bazar günü Cümhuriyyət küçəsində, Şuş bazarında dəmir ticarəti zonasında, Əlaəddin ticarət mərkəzinin ətrafında və Böyük Tehran bazarının bəzi hissələrində keçirilən aksiyaların davamı kimi formalaşıb. Xarici valyuta qiymətlərinin kəskin artması, dolların 144 min tümən həddini keçməsi, qızılın bahalaşması və illik inflyasiyanın 52 faizdən yuxarı elan edilməsi esnaf və əhali üçün misli görünməmiş sosial-iqtisadi təzyiq yaradıb.
Hazırda Tehranda etirazların müşahidə edildiyi ərazilər bunlardır:
Laləzar,
Sədi metro stansiyası,
Topxana,
Tehran bazarı,
Əlaəddin,
Millət küçəsi,
Əmir Kəbir küçəsi,
Cümhuriyyət küçəsi,
Şuş meydanı,
Həsənabad küçəsi,
Çaharsu və Cəfəri bazarı,
Nasir Xosrov küçəsi,
15 Xordad meydanı,
İstanbul dördyolu.
