Molla rejimin həbs etdiyi Təbriz sakini 32 yaşlı sənətçi və DJ Nərgiz Məhəmmədidən hələ də xəbər yoxdur

GADTB: Təbrizdə yaşayan 32 yaşlı sənətçi və DJ Nərgiz Məhəmmədi 26 Bəhmən tarixində saxlanılıb və indiyədək onun vəziyyəti ilə bağlı heç bir rəsmi məlumat açıqlanmayıb.

Məlumatlara əsasən, beş nəfər naməlum şəxs Təbrizdə yerləşən mənzilinə daxil olaraq onu saxlayıb. Saxlanıldığı müddət ərzində Nərgiz Məhəmmədi yalnız bir dəfə telefonla əlaqə saxlaya bilib və həmin zəng zamanı harada saxlanıldığını bilmədiyini deyib.

Ailəsinin və yaxınlarının apardığı araşdırmalar nəticəsiz qalıb. Bu günədək onu saxlayan qurum, irəli sürülən mümkün ittihamlar və saxlanıldığı yer barədə heç bir açıqlama verilməyib.

Nərgiz Məhəmmədinin taleyinin qeyri-müəyyən qalması insan haqları ilə bağlı ciddi narahatlıqlara səbəb olub. Məlumatsız və qeyri-şəffaf saxlanmalar həm hüquq müdafiəçiləri, həm də sənət cameəsi tərəfindən geniş tənqid olunur.