Yürüş Mehrəlibəyli Təbriz həbsxanasının xüsusi bölməsinə köçürülüb

GADTB: Azərbaycan Milli Hərəkatının tanınmış fəallarından olan Yürüş Mehrəlibəyli yayılan məlumatlara görə Təbriz həbsxanasının xüsusi bölməsinə köçürülüb.

Məlumatlı mənbələrin bildirdiyinə görə, son günlər Təbriz həbsxanasında bəzi siyasi məhbuslara telefon əlaqəsindən istifadə qadağası da daxil olmaqla bir sıra məhdudiyyətlər tətbiq olunub. Bu məhdudiyyətlər həbsxanadakı bir qrup siyasi məhbusun etirazına səbəb olub.

Məlumata əsasən, Yürüş Mehrəlibəyli bu vəziyyətə etiraz edən məhbuslardan biri kimi tanınıb və bundan sonra xüsusi bölməyə köçürülüb.

Həmçinin bildirilir ki, Təbriz həbsxanasında saxlanılan təxminən 60 siyasi məhbus Yürüş Mehrəlibəylinin yenidən ümumi bölməyə qaytarılmayacağı təqdirdə aclıq aksiyasına başlayacaqları barədə xəbərdarlıq ediblər.