GADTB Güney Azərbaycan Demokratik Türk Birliyi
GADTB: ABŞ-ın vitse-prezidenti Ceyms Devid (C.D.) Vens diplomatik səylərin davam etdiyini vurğulayaraq bildirib ki, danışıqlar uğursuz olacağı təqdirdə digər seçimlər də gündəmdə qalacaq.
Vens USA Today qəzetinə verdiyi müsahibədə İranla mümkün qarşıdurmanın İraq və Əfqanıstan müharibələrinə bənzər uzunmüddətli bir hərbi münaqişəyə çevriləcəyinə inanmadığını deyib.
O bildirib: “Mən tam əminəm ki, bir il sonra ABŞ-ın İranda hərbi iştirakı haqqında danışmayacağıq.”
ABŞ vitse-prezidenti münaqişənin sona çatdırılması üçün danışıqların davam etdiyini qeyd edərək əlavə edib ki, Vaşinqton hələ də diplomatik həlli üstün tutur. Bununla belə, əgər danışıqlar nəticə verməsə, ABŞ administrasiyasının əlində başqa variantlar da mövcuddur.
C.D. Vens vurğulayıb ki, Donald Tramp administrasiyası ABŞ-ın aydın məqsəd və strateji perspektiv olmadan İranda uzunmüddətli və yorucu bir müharibəyə cəlb edilməsinə imkan verməyəcək.
