GADTB Güney Azərbaycan Demokratik Türk Birliyi
GADTB: Ərdəbilli yeniyetmə ağırlıqqaldıran Taha Daşkənddə keçirilən Asiya Yeniyetmələr və Gənclər Ağırlıqqaldırma Çempionatında möhtəşəm çıxış edərək üç qızıl medal qazanıb, Asiya və dünya üzrə dörd rekordu yeniləyib.
Taha Nocəvan birdəfəlik qaldırma yarışında əvvəlcə 165 və 170 kiloqramlıq çəkiləri uğurla qaldırıb. Üçüncü cəhdində isə 176 kiloqramı başı üzərinə qaldırmağa nail olub. Bu nəticə ona birdəfəlik qaldırmada qızıl medal qazandırmaqla yanaşı, öz yaş qrupunda Asiya və dünya rekordlarını yeniləməyə imkan verib.
O, təkanla qaldırma yarışında ilk cəhdində 205, ikinci cəhdində isə 215 kiloqramlıq çəkini uğurla qaldırıb. Üçüncü cəhdində 215 kiloqramı yenidən qaldırmaq cəhdi uğursuz olsa da, əldə etdiyi nəticə təkanla qaldırmada qızıl medal qazanması üçün kifayət edib.
Taha 391 kiloqramlıq ümumi nəticə ilə ümumi hesabda da qızıl medal qazanıb və öz yaş qrupunda təkanla qaldırma və ümumi nəticə üzrə dünya rekordlarını yeniləyib.
Bu tarixi nəticə Ərdəbilli yeniyetmə ağırlıqqaldıranın adını Azərbaycan ağırlıqqaldırmasının gələcək ulduzlarından biri kimi önə çıxarıb.
