Təbrizdə Azərbaycan Dəmiryolu Şirkətinin işçiləri etiraz yürüşü keçirdilər

GADTB-nin Mətbuat Mərkəzinə daxil olan məlumata görə, Təbrizdə Azərbaycan Dəmiryolu Şirkətinin yüzlərlə işçisi bir neçə gün öncədən keçirdikləri etiraz mitinqinin davamında şəhərin küçələrində etiraz yürüşü keçirdilər. İşçilərin əmək haqlarının verilməməsinə etiraz edirlər.

Bundan öncə isə Təbrizin Dəmiryolu Vağzalında etiraz mitinqi keçirən Azərbaycan Dəmiryolu İşçiləri gecəni vağzalda yatıblar.

Azərbaycan Dəmiryolu Şirkətinin işçiləri əmək haqqılarının aylarla verilməməsi və s. səbəblərə görə bir həftədir etirazdadırlar.

Qeyd edək ki, Azərbaycan Dəmiryolunun işçilərinin etirazları Salmas bölgəsində başlayıb, etirazlar qısa müddətdə Təbriz, Sofian, Əcəbşer, Mərənd və Şəfaxanaya qədər yayılıb.

Etiraza qatılan işçilər əmək haqları ödənilməyənədək etiraza davam edəcəklərini bildiriblər.