İrqçi fars rejim hicaba görə 3 qadına 55 il həbs cəzası verdi

GADTB-nin Mətbuat Mərkəzinə daxil olan məlumata görə, irqçi fars rejim hicabla bağlı 3 qadına 55 il həbs cəzası verdi

Müjqan Keşavərz, Münirə Ərəbşahi və Yasəmən Aryani məcburi hicaba etiraz etdikləri üçün üst-üstə 55 il həbs cəzasına məhkum ediliblər.

Münirə Ərəbşahi və Yasəmən Aryaninin vəkili Əmir Rəisianın yerli media orqanlarından birinə dediklərinə əsasən, əgər məhkəmənin çıxardığı hökm qəti olsa, o zaman onlar ayrı-ayrılıqda 10 il məhkumluq həyatı yaşamağa məcbur olacaqlar.

Müjqan Keşavərzin vəkili Məhəmməd Moqimi ona qarşı çıxarılmış 15 illik həbs hökmünün qəti olmadığını və müvəkkilinin apelyasiya şikayəti verəcəyini deyib.

Yerli mətbuatın məlumatına görə, məhkəmə vəkillər olmadan, yalnız müttəhimlərin iştirakıyla keçirib.

Məhkəmə bu 3 xanıma qarşı “milli təhlükəsizlik əleyhinə toplaşma və çalışma”, “dövlət əleyhinə təbliğ” və “əxlaqsızlığa təşviq etmə” kimi ittihamlar irəli sürülüb. Müjqan Keşavərzə qarşı elan edilmiş ittihamlar içərisində “müqəddəsləri təhqir etmə” də nəzərə çarpır.

Vəkillər bildirirlər ki, xanımlar yalnız icrabi hicaba etiraz ediblər və onlara qarşı elan edilən digər ittihamlar əsassızdır. Eləcə də, istər ibtidai istintaq dövründə, istərsə də məhkəmədə vəkillərin fəaliyyətinə icazə verilməyib.