GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün oktyabr ayının 22-də Güney Azərbaycan Demokratik Türk Birliyi (GADTB) və Avstraliya-Azərbaycan Assosiyasının təşkilatçılığı ilə Ermənistanın işğalçılıq və terror siyasətinin pislənilməsi və ifşası məqsədilə aksiya keçirildi.
Aksiya Avstraliyanın Yeni Şimali Uelz (NSW) əyalətinin parlamentinin millət vəkillərinin giriş qapısının qarşısında baş tutub.
Aksiyadan əsas məqsəd erməni lobbisinin köməyi ilə Avstraliyada Azərbaycanın ədalətli mövqeyinə qarşı, eləcə də Ermənistanın təcavüzkar və işğalçılıq siyasətini ört-basdır etməyə yönəlmiş qətnamənin qəbuluna mane olmaqdır.
Aksiyada uşaq qatili Ermənistanın Azərbaycan şəhərlərində yaşayış məntəqələrini raketlərlə vurmaqla hərbi cinayət törətməsi, Azərbaycanın 20 faiz ərazilərini işğal edib və 1 milyondan çox insanı evindən didərgin salması və terrorçuları Azərbaycana qarşı səfərbər etməsi pislənildi.
