Cümə , Noyabr 20 2026
azfa

Türkiyə ordusu təcili döyüş vəziyyətinə gətirildi

GADTB-nin Mətbuat Mərkəzinə daxil olan məlumata görə, Şərqi Aralıq dənizində Avropa İttifaqının “İrini” əməliyyatmı çərçivəsində Türkiyəyə məxsus “Roseline-A” ticarət gəmisində qanunsuz axtarış aparılmasından sonra Türkiyə Silahlı Qüvvələri döyüş vəziyyətinə gətirilib.

Türkiyə Hərbi Hava Qüvvələrinə məxsus “E-7T-Barış Kartalı” havadan təcili xəbərdarlıq təyyarəsi Şərqi Aralıq dənizi səmalarında uçuş həyata keçirib.

Bu əsnada 3 nəhəng “A400M” hərbi karqo təyyarəsi Triploidəki Vətiyyə bazasına təchizat daşıyıb.

Bundan başqa, Türkiyə Xarici İşlər və Milli Müdafiə Nazirliyi, həmçinin Hərbi Dəniz Qüvvələri Komandanlığı rəsmilərinin iştirakı ilə məsələyə dair yaradılan İşçi Qrupunin ilk toplantısında olaya qarşı hərbi variantlar da müzakirəyə çıxarılıb. “İrini” hərəkatında Liviyadakı qiyamçı general Xəlifə Haftar qüvvələrinə yardım daşıyan ticarət gəmilərinə qarşı sərgilənən passiv davranışa reaksiya olaraq atıla biləcək addımlar dəyərləndirilib. Variantlar arasında bölgədəki türk donanmasına məxsus döyüş gəmilərinin Tobruk və Benqaziyə gedən şübhəli gəmilərdə axtarış həyata keçirməsi də var.

Bölgədə ticarət səfərlərini davam etdirən Türk bayraqlı gəmilərə qarşı bənzər olaylarda Türkiyənin döyüş gəmilərinin iştirakı ilə görüləcək tədbirlər və lazım gəldikdə icra ediləcək vəzifələr mövzusunda da şərhlər verilib.

Qeyd edək ki, Türkiyə Prezidenti Rəcəb Tayyib Ərdoğan Xarici İşlər naziri Mövlud Çavuşoğluya məsələ ilə ilə bağlı təlimat vermişdi. Ərdoğanın təlimatı “cavabımızı meydanda verəcəyik, bu işin izini buraxmayacağıq” istiqamətində olub.

Həmçinin yoxlayın

Mustafa Cəmilov: Krım Muxtar Respublikasının yaradılması üçün Ukraynanın razılığı ilə hazırlıq işləri başa çatıb

GADTB: Krım tatar türklərinin milli lideri Mustafa Cəmilov “Krım Muxtar Respublikasının” yaradılması üçün hazırlıq işlərinin …

İki təyyarədaşıyan gəmi və 12-dən çox hərbi gəmi ilə İrana qarşı təzyiq və dəniz blokadası davam edir

GADTB: Corc Vaşinqton təyyarədaşıyan gəmisinin Yaxın Şərqdən çıxmasına baxmayaraq, ABŞ iki təyyarədaşıyan gəmi və 12-dən …

Bir cavab yazın