GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin ayrıseçkilik və Azərbaycanın tarixi abidələrinin qorunmasına qəsdən laqeydliyi üzündən Təbrizin cənub qərbindəki məşhur tarixi Pinəşalvar məzarlığı dağıdılıb.
Tarixi qəbristanlığın mühafizəsi üçün heç bir tədbir görülmür və tarixi qəbristanlıq tamamilə özbaşına buraxılıb.
Qoç daşları, qədim və özünəməxsus baş daşları və daş fiqurları ilə məşhur olan Pinəşalvar qəbristanlığı islamın ilk illərindən Səfəvilər dövrünə qədər bir çox tanınmış və tarixi şəxsiyyətlərin dəfn olunduğu qəbristanlıqdır.
Pinəşalvar qəbristanlığında bir çox qöç daşları və qədim daş kitabələr qanunsuz aparılan qazıntılar və əlaqədar qurumların laqeydliyi nəticəsində dağıdılıb.
Qəbirlərin baş daşlarının bir çoxu sındırıldığı və oğurlandığı üçün burada dəfn olunan tanınmış sufi şeyxlərinin və tarixi şəxsiyyətlərin qəbirlərini yeri itib.
