GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Türkiyənin milli müdafiə naziri Hulusi Akar İsveç və Finlandiyaya xəbərdarlıq edib. Nazir bu barədə latviyalı həmkarı Artis Pabrikslə görüşdə danışıb.
“Madriddə imzalanan anlaşma memorandumu hələ son deyil. Əksinə başlanğıcdır. Qarşı tərəflərdən razılaşmalara əməl etmələrini gözləyirik”, – Akar vurğulayıb.
Bundan əvvəl Türkiyənin xarici işlər naziri Mövlud Çavuşoğlu İsveç və Finlandiyanın terrorçuları qaytarmayacağı təqdirdə bu ölkələrin NATO-ya üzvlüyünə veto qoyula biləcəyini diqqətə çatdırıb.
Qeyd edək ki, Türkiyə parlamenti İsveç və Finlandiyanın NATO-ya üzvlüklə bağlı müraciətlərinə dair müsbət qərar qəbul etməlidir. Əks halda, proses dondurulmuş hesab olunacaq.
