Xiyavda Urmiya gölü ilə bağlı posterlər yapışdırıldı; Urmu gölü can verir

GADTB-nin Mətbuat Mərkəzinə daxil olan məlumata görə, Güney Azərbaycanın Xiyav (Meşgin) şəhərində Urmiya gölünün qurudulması etiraz olaraq aksiya keçirilib.

Azərbaycanlı fəallar Urmiya gölünün şəklinin əks edildiyi çoxsaylı posterlər hazırlayaraq Xiyovda divarlar və müxtəlif yerlərə yapışdırmaqla gölün qurudulmasına diqqət yönəltmək istəyiblər.

Azərbaycanlı fəalların hazırlayıb divarlara yapışdırdığqları posterlərdə “Urmu gölü can verir” şüarı əks etdirilmişdir. Həmçinin posterlərdə “Urmiya gölünün quruyacağı təqdirdə Azərbaycan şəhərlərinin xarabalığa çevriləcəyi, quraqlıq olacağı və köç başlayacağı” cümlələri də əks etdirilmişdir.

Qeyd edək ki, irqçi fars rejim Azərbaycanla düşmənçilik məqsədi Urmiya gölünü qurudur. Bu isə Azərbaycanı xarabaya çevirəcək. Azərbaycanlı fəalların etirazı nəticəsində irqçi fars rejim gölü bərpa edəcəyinə söz versə də, öz sözünü tutmayıb və əksinə körfəz və Xəzərdən farslar çöllərinə su çəkməklə məşğuldur.