Molla rejimi yaxaladığı azərbaycanlı fəal Meysəm Mübrəhəni zaminə buraxıb

GADTB-nin Mətbuat Mərkəzinə daxil olan məlumata görə, irqçi fars-molla rejimi yaxaladığı azərbaycanlı fəal Meysəm Mübrəhəni zaminə buraxıb.

Güney Azərbaycanın Məlikan şəhərindən olan azərbaycanlı milli fəal Meysəm Mübrəhən yanvarın 1-də girov qarşılığında rejimin Marağada yerləşən zindanından müvəqqəti olaraq məhkəməyə qədər zaminə buraxılıb.

Noyabrın 19-da Məlikan şəhərində keçirilən etiraz aksiyasında yaxlanan azərbaycanlı fəal molla rejimi tərəfindən İran bayrağını yandırmaqda ittiham olunub.

Meysəm Mübrəhənin yaxınları bildirir ki, noyabrın 19-da Məlikanda İran bayrağı hökumətə bağlı qüvvələr tərəfindən yandırılıb və bu etirazçıların separatçı olduğu barədə iddiaları əsaslandırmaq üçün həyata keçirilib. Molla rejimi bu ittihamla azərbaycanlı gənci ağır şəkildə cəzalandırmaq istəyir.