Molla rejimi Təbrizdə azərbaycanlı xanımı üç il həbsə məhkum etdi

GADTB-nin Mətbuat Mərkəzinə daxil olan məlumata görə, irqçi fars-molla rejimi Təbrizdə azərbaycanlı xanımı üç il həbsə məhkum etdi.

“ADAP” Azərbaycan Siyasi Məhbusları Müdafiə Dərnəyi xəbər verir ki, Təbrizdə azərbaycanlı xanım Məhdiyə Seyid Furuği 3 il müddətinə həbsə məhkum edilib.

Hələlik azərbaycanlı xanıma qarşı irəli sürülən ittihamlarla bağlı heç bir açıqlama verilməyib.

Qeyd edək ki, İran hökuməti Məhdiyənin həbsdə olması xəbərinin yayılmasının qarşısını almaq üçün ailəsinə ciddi basqılar edib. O, vəkil tutmaq hüququndan məhrum olunub və işgəncə altında verdiyi etiraflar əsasında həbs cəzasına məhkum edilib.