Güney Azərbaycanda aksiya: “Doğma ellərimiz qaranlıqdadır!”

GADTB: İyunun 20-də Güney Azərbaycan Milli Hərəkatının bir qrup fəalı ictimaiyyətin diqqətini Ərdəbil əyalətinin Muğan (Germi) və Biləsuvar bölgələrində baş verən güclü daşqınlardan zərər çəkənlərin durumuna cəlb etmək üçün Ərdəbil şəhəri boyunca vərəqələr paylayıb və qrafitilər yazıblar.

Vərəqələr və qrafitlərdə aşağıdakı şüarlar yazılıb:

 “Özgə çırağına yağ olmaq bəsdir”, “Doğma ellərimiz qaranlıqdadır”, “Bu gün Ana Vətən Azərbaycan, Germi balasını düşünür”, “Azadlıq, Ədalət, Milli Hökumət”.

Qeyd edək ki, son günlər Ərdəbilin Muğan (Germi) və Biləsuvarın kəndlərində baş verən daşqınlar nəticəsində azı 7 nəfər həyatını itirib, daşqından zərər çəkənlərin infrastrukturuna, təsərrüfatlarına, evlərinə və avtomobillərinə külli miqdarda ziyan dəyib.

Habelə, ictimai rəy İranın milli mətbuatı və tanınmış şəxslərinin dağıdıcı daşqın və sellə bağlı biganə münasibətini Azərbaycan türklərinə qarşı ayrı-seçkiliyin bariz nümunəsi kimi dəyərləndirib.