Urmiya gölünün qurudulmasına qarşı simvolik etiraz aksiyası keçirilib

GADTB-nin Mətbuat Mərkəzinə daxil olan məlumata görə, Təbrizdə Urmiya gölünün qurudulmasına qarşı simvolik etiraz aksiyası keçirilib.

Dünən Təbriz şəhərində Güney Azərbaycan rəqs kursunun bir qrup üzvü video paylaşaraq Urmiya gölünün qəsdən qurudulmasına öz simvolik etirazlarını nümayiş etdiriblər.

Rəqs qrupunun üzvləri Urmiya gölünün təsviri və üzərində “Nəfəs, su, torpaq” yazısı olan köynəklər geyinərək etirazlarını bildiriblər.

Videoda rəqs qrupunun üzvlərindən biri deyir: “Bizə su, bizə nəfəs, günəşə deyin çıxmasın daha, tufanlar gəlməsin, şimşəklər çaxsın, buludlar oynasın, gözlər ağlasın. Körpəmiz (Urmiya gölü) susuzdur!”