GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Fransa Ermənistanı hərbi texnika ilə təchiz etməklə yanaşı bu ölkəyı hərbi müşavir göndərəcək və erməni xüsusi təyinatlılarına təlim keçəcək. Bunu Fransa müdafiə naziri Sebastyan Lekornu deyib.
Nazir tərəflərin artıq əməkdaşlığa başladığı və ya başlamaq niyyətində olduğu proqram və sahələri də sadalayıb:
“2023-cü ilin yanvarında Fransa respublikanın Ermənistandakı səfirliyinə hərbi attaşe təyin edib”.
O, çavuş və zabit kadrları hazırlayan hərbi təhsil müəssisələri ilə qarşılıqlı fəaliyyətdən də söhbət açıb. Lekornu Ermənistan ordusunun xüsusi təyinatlı dəstələrinin hazırlığına, xüsusən də yüksək dağ şəraitində döyüş əməliyyatlarının aparılmasına xüsusi diqqət yetirib. Erməni snayperləri də yenidən hazırlıq keçəcəklər.
Fransalı nazir Ermənistana üç GM200 radarının tədarükü ilə bağlı saziş, “Mistral” sistemlərinin gələcək tədarükü ilə bağlı isə anlaşma memorandumunun imzalandığını xatırladıb. Fransa tərəfi Ermənistan ordusunun yerüstü hava hücumundan müdafiəsinin auditini aparmaq niyyətindədir.
