Urmiyada mədəni tədbirin keçirilməsinə mane oldular

Güney Azərbaycanın Urmiya şəhərinin universitetində Azərbaycan poziyası ilə bağlı tədbirin keçirilməsinin və kitab təqdimatının qarşısı alınıb.

“Azərbaycanşünaslıq Mərkəzi”nin məlumatına görə, mədəni tədbirdə Azərbaycan türkcəsi və ədəbiyyatı ilə bağlı çıxışlar edilməsi və şeirlər oxunması nəzərdə tutulmuşdu, eyni zamanda, Urmiya Tibb Elmləri Universitetinin tələbəsi, gənc şair Nima Cəlilzadənin Azərbaycan türkcəsində olan “Qırov” şeir kitabının təqdimatı planlaşdırılılmışdı.

Mədəni tədbirdə iştirak etmk üçün Təbriz, Ərdəbil, Xiyav və Güney Azərbaycanın başqa bölgələrindən Urmiyaya gələn çox sayda qonaqlar geri qayıdıblar.

Mərasimin keçirilməsinə bir neçə saat qalmış ləğv edilmə qərarı molla rejiminin azərbaycanlı elm və sənət adamlarına qarşı yönəlmiş planlarından biridir.