Molla rejimi Məlikanda iki azərbaycanlı xanımı həbs edib

GADTB-nin Mətbuat Mərkəzinə daxil olan məlumata görə, Güney Azərbaycanın Məlikan (Məlikkəndi) şəhərində azərbaycanlı xanımlar Firəngiz Fəthi və onun qızı Əkrəm Kuxian həbd edilib.

Xaricdə yaşayan azərbaycanlı fəal Mehdi Kuxian bur barədə açıqlama verib.

Onun sözlərinə görə, mayın 12-də çox sayda mülki geyimli məmur onların şəxsi mənzilinə hücum edib, evdə axtarış aparıb və adı Mehdi Kuxianın anası və bacısını həbs edərək özləti ilə naməlum yerə aparıblar.

Bununla yanaşı evdə olan bir sıra əşyaların, o cümlədən kompüter və mobil telefonlar da müsadirə olunub.

Bu həbsin ailənin Almaniyada yaşayan oğlu Mehdi Kuxianla əlaqəli ola biləcəyi ehtimal edilir.