Cümə , Sentyabr 17 2021
azfa

Abbas Lisani özü barəsində hazırlanan dosyenin xülasəsini almasa aclıq aksiyasına başlayacaq

GADTB-nin Mətbuat Mərkəzinə daxil olan məlumata görə, işğalçı fars rejimin Ərdəbildə zindana saldığı tanınmış azərbaycanlı milli-mədəni fəal Abbas Lisani ailəsilə qısa telefon əlaqəsi zamanı aclıq aksiyasına başlayacağı barədə xəbərdarlıq edib.

Azərbaycanlı fəal bildirib ki, gözlənilən məhkəmədə özünü müdafiə etməyə hazırlıq məqsədi ilə vəkili tərəfindən hazırlanıb zindana təhvil verilən dosyenin xülasəsi ona təqdim olunmayacağı təqdirdə 48 saat sonra, yəni mayın 27-də aclıq aksiyasına başlayacaq.

Ərdəbil zindanının təhlükəsizlik bölməsinin rəisi Surazər tələb olunan vərəqələrin fəala göstərilməsinə mane olur. Abbas Lisani bu maneçiliyi özünə qarşı qurulan ssenarinin tərkib hissəsi olduğunu açıqlayıb.

Qeyd edək ki, azərbaycanlı fəal Abbas Lisani mərhum Həsən Dəmirçinin dəfn mərasimində etdiyi çıxışla bağlı şərlənərək, “Sistemə müxalif olan qrupların xeyirinə və sistem əleyhinə təbliğat aparmaq”da ittiham olunaraq, 10 ay həbs cəzasına məhkum edilib.

Həmçinin yoxlayın

Qarabağa İran rejiminin təhlükəsizlik orqanının yük maşınlarını göndərdiyi üzə çıxdı

GADTB-nin Mətbuat Mərkəzinə daxil olan məlumata görə, İranın ETTELAAT İdarəsinə bağlı şirkətin qanunsuz şəkildə Qarabağa …

İranın qanunsuz şəkildə Qarabağda Ermənistanla yeni işbirliyi üzə çıxdı

GADTB-nin Mətbuat Mərkəzinə daxil olan məlumata görə, İranın təhlükəsizlik orqanlarına bağlı şirkətlərin erməni işğalçılarına yük …

Bir cavab yazın