ABŞ Avropa Birliyinin terror aktına görə rejimin kəşfiyyatına sanksiyasını dəstəklədi

GADTB-nin Mətbuat Mərkəzinə daxil olan məlumata görə, ABŞ Avropa İttifaqının İran kəşfiyyatına qarşı sanksiyalarını dəstəkləyir.

Bununla bağlı ABŞ Dövlət katibi Mayk Pompeo Tvitter mikrobloqunda paylaşım edib.

“İran və Hizbullah Avropanı 1979-cu ildə terrorizmin cənginə atdılar. Bu gün Avropa İrana korrekt mesaj verərək terrorizmin qəbuledilməz olduğunu bildirdi. ABŞ bu sanksiya qərarını dəstəkləyir, avropalı müttəfiqləri ilə birgə çıxış edir və ümumi təhlükəyə qarşı mübarizə aparır”, – deyə Pompeo qeyd edib.

Xatırladaq ki, Avropa Birliyi İran kəşfiyyat xidmətinə qarşı sanksiyaları qanuniləşdirməyə razılıq verib.