GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, ABŞ prezidenti Donald Tramp və Şimali Koreya lideri Kim Çen In 12 iyunda keçiriləcək görüşdə müharibənin bitdiyini elan edəcək. Bu barədə Yaponiyann “Nikkey” qəzeti öz mənbələrinə istinadən yazıb. Qəzetin iddiasına görə, dövlət başçılarının görüşündə Koreya müharibəsinin başa çatması elan olunacaq və artıq ABŞ Prezident Administrasiyası buna hazırlaşır. Hazırda tərəflər birgə bəyanata Koreyaların birləşməsi ilə bağlı konkret müddəaların daxil edilib-edilməməsi ətrafında müzakirə aparır.
Xatırladaq ki, 27 apreldə Şimali və Cənubi Koreya liderləri ilk dəfə görüşüb və danışıqlar olduqca səmərəli keçib.
Bundan əvvəl isə tərəflər illərlə davam edən düşmən münasibətlərə son qoyulmasını göstərən bəzi addımlar atıblar. Koreya yarımadasında atəşkəsin elan edilməsindən keçən 65 il ərzində ilk yüksək səviyyəli bu görüş problemin sonunun çatdığını söyləməyə əsas verib.
