GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Almaniya Müdafiə Nazirliyinin sözçüsü Kristian Tils deyib ki, Türk gəmisində qadağan edilmiş heç bir material tapılmadı.
Tils Benqazidən 200 kilometr məsafədə Türkiyə bayrağı altında üzən “Rosaline A” yük gəmisində “İrini” əməliyyatı çərçivəsində “Hamburq” freqatı tərəfindən axtarış aparıldığını bildirib.
O, axtarış əmrinin Romada yerləşən Eirene Əməliyyat Mərkəzindən verildiyini deyib:
“Freqat hər hansı gəmidə axtarış aparılması barədə qərar vermir. Əməliyyat rəhbərliyi şərtləri dəyərləndirir və sonra “Bu gəmi indi araşdırılmalıdır” deyir”.
Avropa İttifaqı Dəniz Qüvvələri “İrini əməliyyatı”nın Türkiyənin icazəsi olmadan aparıldığını etiraf edib.
Bu barədə “Anadolu Agentliyi” məlumat yayıb.
Qeyd edək ki, Avropa İttifaqı Dəniz Qüvvələri tərəfindən BMT-nin Liviyaya silah məhdudiyyətləri tətbiq etmək məqsədi ilə 31 mart 2020-ci ildən Aralıq dənizində “İrini” Hərəkatına başlanılıb. Ancaq bir çoxları “İrini”ni qərəzli əməliyyat sayır.
