Çərşənbə axşamı , Sentyabr 28 2021
azfa

Azərbaycanın tarixi Qobustan bölgəsində yeni tarix üzə çıxdı – Video

GADTB-nin Mətbuat Mərkəzinə daxil olan məlumata görə, Azərbaycanda yerli və amerikalı arxeoloqlar yaşı dörd min ildən çox olan qaya üzərində yonulmuş oyun lövhəsi aşkar ediblər.

Xezerxeber.az-ın məlumatına görə, tapıntı Qobustan Dövlət Bədii Tarixi Qoruğunun ərazisində aşkar edilib.

Qoruğun elmi katibi Rəhman Abdullayevin sözlərinə görə, bu oyunun ilk nümunələri eramızdan əvvəl 3-cü minillikdə Misirdə meydana gəlib. Müxtəlif formalarda oynanılan bu oyunun formalarından biri də “58 damalı Tazı-Çaqqal oyunu” adlanan oyundur ki, Qobustan qoruğunda bunun bir nümunəsi aşkar edilib. Dünya ictimaiyyətinin marağına səbəb olan bu tapıntının aşkara çıxarılması da maraqlı olub. Qoruqda düşərgənin girişini bağlayan qədim hörgü qalığının ətrafına yığılan torpaq qatını təmizləyən zaman bu oyun löhvəsi ortaya çıxıb. Bundan sonra isə həmin ərəfədə ölkəyə səfər edən amerikalı arxeoloq Volter Kristə bu barədə məlumat verilib.

Dünyanın ən qədim taxt oyunlarından biri hesab olunan bu oyunu güman edilir ki, Azərbaycanın ərazisində yaşayan köçəri maldarlar oynayıb.Təqdiqatçılar oyunu qaya üzərində oyulmuş dəliklərin sayına görə “58 damalı Tazı-Çaqqal oyunu” adlandırıblar.

Arxeoloq Volter Krist tapıntının qədim Misir fironu IV Amenemhetin məzarında tapılan taxt oyunu ilə oxşarlığını aşkar edib. Ehtimal olunur ki, oyunun başlıca məqsədi taxtın sonuncu dəliyinə hamıdan tez çatmaq olub və oyunçular lövhə üzərində sümüklərdən istifadə edərək müəyyən gedişlər ediblər.

Rəhman Abdullayev deyir ki, arxeoloqlar bu oyunun dini xarakterli oyun olmasını da ehtimal edirlər.

 

Həmçinin yoxlayın

Fars-molla rejimindən Azərbaycana qarşı hədələr davam edir

GADTB-nin Mətbuat Mərkəzinə daxil olan məlumata görə, İran parlamentinin daha bir deputatı Azərbaycanı Azərbaycanı hədələyib. …

Sayın Mikayil Oytanın 27 Sentyabr Anım Günü ilə bağlı bildirişi

GADTB-nin Mətbuat Mərkəzinə daxil olan məlumata görə, Avstraliya-Azərbaycan Assosasiasiyası (AAA) prezidenti, Güney Azərbaycan Demokratik Türk …

Bir cavab yazın