Cümə axşamı , Fevral 2 2023
azfa

Azərbaycanlı Rəssamın əsəri əsasında Türkiyədə Oruc Rəisə sikkə buraxıldı – Şəkil

GADTB-nin Mətbuat Mərkəzinə daxil olan məlumata görə, Türkiyə Xəzinəsinin əskinas çap etmə və sikkə kəsmə İdarəsi Osmanlı dövründə dəniz qüvvələri komandanlarından Oruc Rəisin xatirəsini əbədiləşdirmək məqsədi ilə 20 türk lirəsi dəyərində gümüş xatirə sikkəsi buraxıb.

Gümüş sikkə İstanbuldakı əskinas çap etmə və sikkə kəsmə İdarəsi tərəfindən kəsilib. Oruc Rəis gümüş sikkəsi İstanbuldakı Yedditəpə universitetinin azərbaycanlı müəllimi, professor Rafiq Əzizin İstanbuldakı Dəniz muzeyində saxlanılan Oruc Rəis adlı tablosunun eskizi əsasında buraxılıb. Professor Rafiq Əziz açıqlamasında deyib ki, bu, onun altıncı əsərinin eskizi əsasında dizayn edilərək buraxılan sikkədir:

”Sikkənin eskizinin yağlıboya orijinalı İstanbulun Beşiktaş rayonunda yerləşən Dəniz muzeyindədir. Bundan əvvəl isə UNESCO-nun mənim 3 əsərimi Türkiyəyə tövsiyə etməsindən sonra Xəzinə gümüş xatirə pulları buraxıb. Bu şəkildə əməkdaşlığı davam etdirəcəyik”.

Qeyd edək ki, 2017-ci ildə Türkiyə Xəzinəsinin İstanbuldakı əskinas çap etmə və pul kəsmə İdarəsi professor Rafiq Əzizin yağlıboya tablosunun eskizi əsasında Türk dənizçilik tarixinin məşhur komandanı Piri Rəisin adına gümüş xatirə pulu buraxıb. Türkiyənin Dəniz və Hava qüvvələri komandanlıqları ilə yaxından əməkdaşlıq edən professor Rafiq Əzizin adı çəkilən hərbi qurumların sənət muzeylərində 150-dən artıq rəsm əsəri var.

Həmçinin yoxlayın

Azərbaycanlı fəal və fotoqraf xanım şərti həbslə azadlığa çıxdı

GADTB-nin Mətbuat Mərkəzinə daxil olan məlumata görə, Güney Azərbaycanın Zəngan əyalətinin Əbhər şəhərindən olan ictimai …

Təbriz və Urmiyada azərbaycanlı tamaşaçılar Xoy zəlzələsinə diqqət yönəltməyə çalışdılar

GADTB-nin Mətbuat Mərkəzinə daxil olan məlumata görə, fevralın 1-də Təbriz və Urmiyada keçirilən yarışlarda azərbaycanlı …

Bir cavab yazın