Şənbə , Noyabr 21 2026
azfa

Azərbaycan Ermənistanın atdığı “İsgəndər” raketlərinin qalıqlarını nümayiş etdirir

GADTB-nin Mətbuat Mərkəzinə daxil olan məlumata görə, bu gün Bakıda Vətən müharibəsi zamanı Ermənistanın Azərbaycana qarşı istifadə etdiyi “İsgəndər” raketlərinin qalıqları təqdim edilir.

“İsgəndər” raketlərinin qalıqları “Azərlandşaft” Açıq Səhmdar Cəmiyyətinin ərazisində Azərbaycan Respublikasının Ərazilərin Minalardan Təmizlənməsi üzrə Milli Agentliyinin (ANAMA) nümayəndələri tərəfindən təqdim olunur.

Qeyd edək ki, ANAMA 2020-ci ilin dekabrından bəri işğaldan azad edilmiş Şuşa şəhərində minaların təmizlənməsi və döyüş sursatlarının zərərsizləşdirilməsi işlərini aparır. 2021-ci il martın 15-də Agentlik əməkdaşları tərəfindən aparılan təmizləmə əməliyyatı zamanı şəhərdə iki partlamış raketin qalıqları aşkar edilib.

Xatırladaq ki, Ermənistanın keçmiş prezidenti Serj Sarqsyan, baş nazir Nikol Paşinyan, eləcə də Ermənistan Müdafiə Nazirliyinin keçmiş baş hərbi müfəttişi Movses Akopyan 44 günlük müharibə zamanı Ermənistanın Azərbaycana qarşı “İgkəndər” raket sistemindən istifadə etdiyini bildiriblər. Son günlərdə bu məsələ yenidən Ermənistan mediasında müzakirə mövzusuna çevrilib, sosial şəbəkələrdə isə raketin atılmasını göstərən videolar ortaya çıxıb.

Həmçinin yoxlayın

Trampa İrana yenidən hücum etməsi üçün təzyiqlər artır

GADTB: “Financial Times” qəzeti xəbər verib ki, ABŞ və İsraildəki sərt mövqeli rəsmilər Donald Trampa …

Qəzvində sakini azərbaycanlı gənc Nemət Əfşarın Çubindər həbsxanasında saxlanılması və qeyri-müəyyən vəziyyətdə qalması davam edir

GADTB: Qəzvində yaşayan azərbaycanlı gənc Nemət Əfşar fars irqçi rejiminin təhlükəsizlik qüvvələri tərəfindən 26 gündür …